Bä ca Christu ah Paulu

Bä ca Christu ah Paulu cuh Italy ghung-khaw, Ovata ci ah Mang-Go ung kum (1694) ung ng’tuiom lo tu ci. Ani cuh ng’Zung’yonnak ba ah athinkhai m’duh ca kya ci.

 Ani cuh ak’hmohta ah ge ung Khanpughi kyüt-a  neh nikca ak’hmo tumat ah phih kya ci. Ani akho kum (15) alo ah ung Boiyesu Christu ah hmalim gui lah mikmi k’chang gui ah hmakat ah phäh ashim’hlawn neh ana yan pek gui cuh ng’yatu hti ca kya ci.

Kum (1720) ung Nu Maria noh ang’dan nak ah ung “ hlu a le gui hlui nek HtaBoiyesu ah shihm’kantung aläk nak yün yu nek abiloh tu vai, ani ah Biloh ni gui cuh läktuneh bilohpüi khai gui ah apok’chang gui am’cüm gui vai ah Paulu cuh m’cä ci.”

Acu ung Paulu cuh Roma ah Papa Shangpughang nguh vai neh hteih hleih Vatican ah kä mi lut tu hlak. Alo ba lam ah Moteagantio ung om ca Khanpughi ah nikyom nak gui nguh neh acun ung Yatheih ah om khai go ah animät noh animät ah m’lungshohmong ci gui.

Angni cuh Boiphaya ah ani kya lo ni neh Dudongk’chang gui lah Gopai k’chang gui cuh dochang ni neh m’hteim’hta tu ci goi. Italy ghun-Kho ung phih k’changda ah ni bä nah vai gui cuh ak’dämak’da bilo lo ci goi.

Kum (1741) ung Papa shanpughang Benedict(XIV) nak noh Palu ah Passionist Congregation cuh abäi tu. Acu ung ka noh Paulu ah biloh gui yumtu u neh bilo ru hlu ca k’chang gui k’da lo ci gui.

Paulu cuhKum (1775) ung Roma mang-go ah shih ci.