M’kuimnu Saya gui ng’bum neh k’taigi ci gui.

M’kuiimnu zone ung om neh Khanpughi ah bi bi ci gui ah Tamahsaya gui cuh October k’cha 14 nak ung M’kuiimnu ah ng’bum lo neh k’taigü ci gui ah kya ci. A cun a ami k’taigü nak ung Bawiphaya k’phli, Mamah hngih lah Tamahsaya gui 14 lo neh k’taigü neh ami hnguh hmat nak cuh pyein ba ci gui. M’kuiimnu zone ung Duk, Kinhlih, Kyunglong, M’kuimnu ciah phli om ci. A cun ung ka Bawiphaya gui noh khong mang neh m’thei ci gui a kya ci. Catholic among hnguh hmat nak, Sacramentu among yum nak gui, Catholic hngip nep nak among gui lah yum nak among ng’thei tham nak gui cuh m’thei gui ci. October 18 kyün khngup ung “world Mission Sunday” ci ah Khanpughi ah bi bi ci gui kavai k’taigü ci gui. October k’cha 19th nak khongoi ah buh ei te tah ng’pai ba ci gui.