Bä ca Luka

Bä ca Luka cuh BoiYesuChristu ah Hluläkng’shä tumat ah kya ci. Bä ca Luka cuh BoiYesu ah ng’htuni guk ci gui ung ah tumat ah phih kya ci. Ani cuh SeiBoi gui lah Pachiguk ci gui ng’ängm’htei gui ca Bä ca k’chang tumat ah phih kya ci.

Ani cuh Antiuk Mang-Go ung ah Greek k’chang tumat ah kya ci. Ani cuh Khanpughi noh achüthäm ang’yah kong ah ng’thongng’hlak lo neh Bä ca Paulu awng atäng ah BoiYesu ah Nibänak thähla ci goi.

Bä ca Paulu Thong akum ah ung Bä ca Luka cuh shümba neh chüm’kan gui ci. AD (64) ung Bä ca Paulu cuh BoiYeisu  christu ah phäh ng’uipek’chang ah kya lo ci.

Bä ca Paulu ashih kong ah Bä ca Luka cuh Greek ghungkho ah Khanpughi ah monglam hteihhtawn thähla neh apyeinhlak gui ung ka ng’düm neh ta (3) nak ng’thuni lah Biloh gui guten ci. Ani cuh nguhhmat nak hlüngtai ca kya neh k’chang noh ani ah ahmatthei vai guhtheng ca kya ci.

Khanhtapup noh NuMaria ah hteihneh ahnguhmat nak pui lah Nu Maria noh Elizabeth ah hteihnek ahnguhmat nak pui cuh ani ah kyümpe hleih gukteng ca kya ci.

Ani cuh akhokum (84) lo hleih shih ci ta agoh cuh Constentinobel ung om ca Juu gui ah ng’bumi ah tha neh Yumäh shushan nak pi ci gui.