Bä ca Teresa Avila

Bä ca Teresa Avila cuh Kum (1515) , March cha (28) ung Spain Ghungkho ,Vila ung ng’tui lo ci. Ani ah Nu lah Pa cuh Pahtataya ani ah läk ni neh Bä ca Imkongkhui cuh pyang ci go. Atun pi ah Anu cuh Phayalam k’tha nak pi ci. Ani ah aPa lä cuh Shanpughang Phtinan lah ShanpiNu Esabela noh auk yah ung Hlumleik’chang tumat ah kya neh Christine ah ng’thonghlah lo tu ci.

Bä ca Teresa cuh ak’hmohta yah u ge Bä ca k’chang gui ah nibäi nak gui ah mong hnuhmat tu neh Bä ca k’chang tumat ah akya tu hlu ah m’lung ung khäng lo ci.

Ani cuh apumkyä kä gai tu lang neh phih Ani ah Im ah Cang’thei neh hnguhmat on be lo ci. Ak’hmohta ah ge ung mikhnguh ci ah kya ci. Akho kum (14) lo heilh ani ah aNu shih khüta “Nu maria” cuh aNu vai hlü ah u-pa ci.

Cun ung aPa noh ani ah m’lung ani nak lam akya lo phi hti vai Bä ca Augustine ah Maamah ahtinkain ung Ca ang’thei tu vai tui tu ci. Teresa cuh aNu ashih ni apäng ah am’lung ah kyüh ci. Ani cuh akyä kä gai neh acu ah Cong ung ka noh ng’htäk ci.

Cun phih APukhaw Peter awng “Holy Bible “ cuh ani  ahmat vai ng’thei tu neh Maamah akya hlu ah m’lung cuh om lo  hleih “ Carmel Maamah Cong” ah lut tu ci. APa noh kä Yum hleih diimhta dong ci. Acuh ah ung Teresa cuh akho kum (17) vah lo pha ci.

Taresa Carmel ah agok tu ah ung Maamah kya khai gui cuh ami om hlu om neh, ami kya hlu kya neh om u hleih Teresa aphäh kä ng’hlawi ci. Ani cuh Maamah kya lo neh “Nikca Carmel Maamah gui” cuh bum ba neh Nibä nak awn be ba gui.

Tereesa ah aguk ah Cang’bu gui phih ak’da om ci. Akyä ah natnak sham lo neh kum (1582), Oct(4), Alba de Tormes, Spain ung shih ci.