Pope Leo XIV noh Angelus ung a pyein.
Ka yèi nak gui ah phäí nà nu bè gui aw Yèi tu vai ah kyün k’hngüp nei. Tuh-ngói cuh Boi Jesu ah a ngming thang pi kbäih ca Mateiu 22:15-21 ung a mtumtäng nak ung emperor Shangpughang ka cuh Shangpughang am pe neh K’khânpughi ka cuh K’khânpughi am pe vä a ci cuh mi ngya ca kya ci. Evankeili guk ca Mateiu noh Pharisee gui noh Boi Jesu gheih u netah Boi Jesu am kchang amshah tüi gui neh kchi k’kyoih neh ami ngshi cuh Shangpughang am kphlám peit vai lah kä peit vai ami ngshi ah kya ci. Acun ung a mshàng lo ba gui cuh ngami am denarius Ngui pe gui netah ngui ung om ca agup khnguh gui neh shin cuh a u ah lu kkè ang ci neh ngshi gui ci.Shangpughang ah lu kkè nei ci ah mshàng u chütah Shangpughang ka cuh Shangpughang am pe vä.Kkhanpughi ka cuh K’khânpughi am pe vä ciah mshàng ba gui ci Mateu 6:33 ung Boi Jesu noh a pyéin lo ba cuh Ani ah ghunkhò cuh shin ah khomdeh kchang gui ah mamoong gui khmaih vai neh ka lo ca kä kya ci.Ng’uh ngtak vam mneng nak kä om câ Kkhanmopi ah ngshúng yäih ca ghunkho ka pyang khai ka lo ci ci cuh ”Nang cuh ngshing yäih neh u ah hmai phih kä teng neh cang ci lam na m’thêin ci” ciah ngshei neh ami pyéin on ngdang ca kya ci. Ka mhngi ah teih püi gui o”shangpughang ka cuh Shangpughang am pe neh KKhanpughi ka cuh KKhanpughi am peit vai”ah kä ngyih ngkuh neh kä kyi kyok en neh om neh akni bi vai ah ngphlan ca kya ci. Acun ah om hnging vai ah Nglami Hta Maria ah mi nggui gpa ko.
