Khãnpùghí-ah ghin-khàw a lo vai-a màwng.
Pharisee gùi nawh, “Khãnpùghí-ah khàw cuh, a i zah-ung gok lo khai-ang?” ci neh Báwi cuh, ng’si ’ci gùi. M’Sàng bà gùi neh a piéin bà cuh, “Khãnpùghí-ah khàw cuh a ng’dáng-ah lo ci-ah kä kia ci. Si-zàh om ci. Cèi zah-ah om ci phih kä ci vai. Khãnpùghí-ah khàw cuh, nami ng’lùng-ah om ci.
Cun zah-ung, nangmí nawh k’chàng-a htá, i-bo k’hngüp nami hnguh lo hlü khai; cun kä nami hnguh khai. Si zah om ci. Cèi zah om ci, ami ci-ung phih kä nami hteh vai. Kä nami sui läk vai. Khãnmòpí lái-läp nawh vang ghù-a kah nawh vang ghù a sü-a hlo-ah, k’chàng-a htá-ah k’hngüp-ung kia lo khai. Cun tu pang-a phih, mà neh zái-cã cang khai. Sin k’chàng gùi nawh phih ani cuh, mak’khai gùi.
