Dedication of the Lateran Basilica ng’bumim ah poi.
Judeu gùi-ah pascha ng’et lo hleih Jesu, Jerusalem-ah kài ci. Khàw im-ung, Hlèipat, Htò, müm zòi ci gùi lah, ngùi m’thong ci gùi, ami ngoh om cuh, hnguh nehtah gui k’choh awn that gùi neh Htò gùi lah Hlèi-pat gùi mah-ah, khàw im-ung-kah avan k’täm gùi ci. Ngùi m’thong ci gùi-ah ngùi phih hòi neh ami k’pé m’sõn gùi phih lat zop ci. Müm zòi ci gùi-àm phih, “Cein-ah khawh-tang gùi, sin-ung-kah, hteh püi vä. Ka Pá-ah im cuh, zoih-tuknák-ah kä nami ci vai,” ci neh piéin ci. A-hlu-läk gùi nawh, “Báwi-ah im kavai-ah ka ling gái tu nawh kei, na èi ci,” ci neh ng’guk ci-ah, m’cäinák cuh, süm bà ci gùi. Judeu gùi nawh, “Nang nawh sin-ah na ci khai-ah a i na m’dáng hnging ci-ang?” ci neh Báwi-àm piéin bà ci gùi. Jesu nawh, “Khàw im cuh, phie vä. Hngüp k’thùm-àm ka co bà khai,” ci ci. Judeu gùi nawh phih, “Sin-ah khàw im cuh kum k’phlikip lei-k’chuk púm-ung coh te. Nang läí nawh k’hngüp k’thùm-àm na co bà hnging khai ma-à?” ci ci gùi. Báwi läí nawh a mät-ah käü-ah kia ci-ah khàw im-ah màwng piéin ci. Cun-ah kia hleih si ci gùi-ung-kah a ghin lo bà kon-ah, a-hlu-läk gùi nawh Báwi-ah piéin cuh, süm bà u neh m’cäinák lah, Jesu-ah k’chü zùm ci gùi.
