November 11-2026 Argentina ghunkho ung Pope Leo 14 noh a pyein.

Papa Shangpughang Leo 14 noh k’hmó k’thô gui am hngùn lah om ng’päinak gut ca khomdek k’thái ah mà ah kä nami mkhúkdòng vai ci ci. November 11-2026 Argentina ghunkho ung Pope Leo 14 no Corboda Manggò Missa khongmang neh ngpyi lo hleih Sayataw,Bóiphàyà,Mamah gui lah Htahtana kbi gui hnguh gui ci.Acun ah Missa a gän àp nak ung täm 65 kai ci gui ciah ngdükho kchang gui noh mkhin ci gui. Missa ung Papa Shangpughang noh Argentina ung bä ca kchang gui thêi bang tu vai lah christian päng cuh bäkhak ca chü thäm nak gah ci gui ci ci.Yum nak cuh pyéin düt ah kä kya neh mhnginak on yumnak ami mdang vai ah kthäh gui ci. Pope cuh Corboda Mânggò ung om ca Our Lady of the Assumption Boi im ung Htahtana bi bi ci gui hngu gui neh K’khânpughi am akhing ami peit vai pyéin neh dukhaih ci gui lah kchang k’hli no ami khtät gui cuh hngu teng neh ami mhtei gui vai mcäi gui ci. Mü hngün täng ah Buenos Aires,Monumento delos Espanoles ung Missa gän àp ci.Acun ah gän àp ktaigü nak ung kchang täm ät kai ci. Acun ah suhshan nak ung khomdek ah ong ngtangnak,khokpung ah gah tang yèi kyài nak,kä khin hleih yèi kyài thêk-hai nak gui cuh khomdek ah agup gui mshummchuk nak ah kya ci ci ci. Kyanca ung Shangpughang ah ma ah kä mshüm mchuk ca khmo ktho gui ah hlo ah theibang neh ami om vai pyéin ci.Kkhanpughi no ana peit ah hngun lah a ngpäi ah om nak cuh khomdek no kä guttep en hlä ci ci.Kho kchang mhnginak on yumnak cuh mdang vai ci ci. Pope cuh Argentina ung akhngu pi ah November 11 ung thong im ah hteit neh thong kkyum gui teng ci.Cun kon ah Lujan ung om ca Our Lady of Lujan ung Missa gän àp ba ci Cun a ngpyi ung Peru ghunkho ah hteit khai. Laknak-Vatican Amò.òng KThai