Bä ca Martin

Bä ca Martin cuh kum (336) ung ng’tuiom lo tu ci. ANuPa gui ah Yumnak akhäng nak hlu ah Khânpùghí ung ani ah Yumnak cuh däm lo pi ci. Martin cuh ak’hmohta ah ung tuimeh ninak, bä nak awng be ca ak’hmohta tumat ah kya ci.

Bä ca Martin cuh akhokum (15) lo hleih RomaGakap un glut tu ci. Gaakap tumat ah a kyat u ah ung ng’tuhng’ah yah ung k’chàngngon cuh I nei ang? Cun ah kä ng’on ei neh m’hloh cuh nik ci maa? Kä cun ung phih ang’mi ung m’hninak m’hmuh gui vai ang? Kei mä ka shih lo ung ahoikho ah ka hteih khai ang? Ci gui cuh ang’htei ah ng’ngaih tuih nak bi hti ci.

Khok’hngüp ung Maritin cuh Amiens ah aom ah ung A cun ah Mang-Go ah m’koh maa ah Alui she hta hlui neh yan ca ng’yawik’chàng tumat cuh om ci. A cun cuh Gaa-kap ak’da noh ng’nguh tu lang neh kä ng’nguh ci gui vai hlu ah om ci gui.

Acun ung Martin noh amät ah ng’vaih ah ng’khutnu cuh boneh ahlop ghiuh. A cun ah akhomü ung Boiyesu noh Martin ah ang’mang ung ng’dang lo na neh “Maritin noh na Bä ni” ci neh maih ba ci. Acun ung ah noh Martin cuh ng’thongng’hlah lo neh m’shinak Sacramentu lah tu ci.

Bä ca Martin cuh Gaa-kap ung ah noh ng’pät lo neh ta Bä ca Hlary ah hlu läh tu neh Boiphaya tumat ah kya lo tu ci.

Arian ci ah k’changda noh Martin cuh kä yei nak u neh amikho ung ka noh ami htäh. Cung phih ahei Boiphaya gui awng yei neh om tu ci. Cun sho lo hleih Tours Mang-Go ah Sayataw (Bishop) tumat ah kya lo ci.

A cun ong ah kum (397) ung  Bä ca Martin cuhshih ca kya ci.