Bä ca k’chàng gui
Mikmi tumat hti tumat hti ung Htahtana noh ana pek gui ah Bä ca k’chàng tumat ah ng’ming mi lak tu ci. Cun ah Bä ca k’chàng noh cuh acing ah phih na ghum na m’htei gui ca kya ci
. Ang’mi ah nibä nak gui cuh mikmi no mi theiläk tu u vah Khànmopí ghunkho cuh mi gah tu khai ah kya ci. Bä ca k’chàng gui ami om ah mong cuh Khànpughí ah chüm’kha ni ung phih kya, Htahta ah cäthungyo omih gui ung phih kya mik hnguh ca kya ci.
Mikmi gui ah ghüngom nak ung cuh mikmi ah ng’ming lah ah Bä ca k’chàng noh nag u tu gui ca kya ci. Mikmi ung kä ni ca omih nak gui, Khong’nget ah toktamp nak gui, Khong’yo khogam ah ana sheitka nak kä om vai , kä nik ca Pok’chàng ah lam ung kä hteih tu vai ah na chühlaw gui neh lamni na m’shum gui ca kya ci.
Ang’mi ah guhtok nak gui am mikmi cuh Khànpughì lah Pok’chàng gui ung nikyom nak awng mi om hning khai kya ci.
Bä ca k’chàng gui cuh ami ng’mingthang u neh khànpughi lak k’chàng gui ah maa ah Nibänak awng be ci gui ah kya ci. K’chànggui ak’da cuh Khàngpughi ah shuimikhmang ami hnguh tu vai ah Bä ca k’chànggui noh Lam na m’shum, lam na hmuh tu gui ci gui ah kya ci.
