Ni ci-ah Htò k’säm Kyün k’hngüp

 “Nangmí” àm a k’càng-ah ka piéin cuh htò ng’vòng m’kot ung kä lut neh a lam hmün-ung kài tu-hngá ci cuh, m’guk èi, gut èi-ah kia ci. M’Kot-ung lut lo ci läí cuh htò k’säm-ah kia ci.  Ani àm, m’kot ngäng nawh k’hmón ci. A k’áw phih htò gùi nawh ng’zak ci gùi. A htò gùi cuh ami ng’ming phäh phäh awn chü gùi neh a k’pùng-ah hòi gùi ci.  A htò gùi chah zop nehtah mà neh hteit ci. Htò gùi nawh phih, a  k’áw hmat u neh a hngú-ah läk ci gùi.    K’Chàng hei kä läk ci gùi. Ani cuh, dóng tá ci gùi. K’Chàng hei gùi-ah k’áw tah kä hmat ci gùi. Sin-ah m’tu m’tängnák phih, Jesu nawh, ngamí àm piéin hleih a piéin cuh ngamí nawh kä k’síng ci gùi.  Cun-ah kia hleih Jesu nawh ngamí àm piéin bà mä neh, “Nangmí àm a k’càng-ah ka piéin cuh kei cuh, htò m’kot-ah ka kia ci.  Lo man te ci phùng cuh, m’guk èi-ah kia u hleih ngamí cuh, htò gùi nawh kä tä ci gùi.  Kei cuh, m’kot-ah ka kia ci. Kei ung lut ci cuh, phiòng neh lu-ng’làng neh ei vai hnguh khai.