

Jericho-ung, amik m’dah tumat.
Jericho pigò pèi-ah ami gok lo zah-ung, amik m’dah tumat, ei ng’zòi vai neh lam pèi-ah ngoh te ci. K’Chàng a k’dá ami ng’nàwng lo cuh, ani nawh ng’za neh a i-ah a kia ng’si gùi hleih, Nazareth Jesu a lo-ah màwng m’thein tu ci gùi. A cun kon-ah ani nawh, “David-ah Htá Jesu-aw, na m’gein-èi ä,” ci neh m’lã mah neh ng’huinak ci. Mà ci gùi nawh adìng vai-ah m’htíng u hleih phih, ani nawh, “David-ah Htá Jesu-aw, kei na m’gein-èi tu-ä,” ci neh ’khãn lo púi hleih ng’huinak ci. Cun-ah kia chü-tah Jesu ng’düm neh a mà-ah chü tu neh ami lo püi vai-ah, m’cäi gùi ci. A pèi-ah gok lo hleih Jesu nawh, “A i ka ning ci tu péit vai-ang?” ci neh a ng’si. Ani nawh, “M’Dei vai, Báwi-aw,” ci neh a m’sàng bà. Jesu nawh phih, “M’Dèi-ä, na zùmnák-awn, na phiòng ci néi,” ci neh a piéin. A cun-ung a k’tén-ah hngu bà te ci. Cun kon-ah, Khãnpùghí zùm m’nài tu neh Jesu läk tu ci. A màwng hnguh tu ci gùi, avan nawh phih, Khãnpùghí m’tam tu ci gùi.



