

Bä ca Margaret (Scotland)
Bä ca Margaret (Scotland) cuh kum 1046 ung Hugary Mang-Go ah ng’tuiom lo tu ci. Ani ah aNu cuh Agatha of Hungary ah kya neh Hungary Shanpughang ah ak’htangu tumat ah kya ci. Cun ah kya hleih Margaret cu phih Shnpughang ah Mang-Im nu ung om neh ng;vai lo ci.
William ah Noman Ga-kap gui noh England khoa mi tuk lo ah ung Margaret ni cuh Scotland ah Malcolm III Shanpughang ah dawn eh ng’poung tu ci gui. Acun ung Shanpughang Malcolm noh akyakyomca Margaret cuh lah neh am’dawm.
Margaret cuh cun ah ung akhokum (24) lo pha hta ci. Bä ca Margaret (Scotland) cuh k’chàng (8) ah k’hta neh Khânpùghü kyüh-a neh Nikca Nutumat ah kya ci. Ani ah acei Shanpughang Malcolm cuh am’lungse neh shapshum ca Pami ah kyat u laingpang hleih phih Bä ca Margaret ah Taigüshuhshang nak lah omni awng aom pui hlui ah kum sho lo hleih ng’thongng’hlah lo ca Shangpughang tumat ah kya lo ci.
Bä ca Margaret cuh Scotland ghungkho Lamhlu ah ang’yänchan vai ah maamong nan eh abiloh ah hlo ah ng’muim’chalam ah phih k’thanakca ShangpiNu tumat ah phih kya ci. K’chàngDu gui cun phih hlochàng tu gui neh amikyä ah ng’phät nah vai gui phih biloh pe gui ci.
Kum (1093) ung William Louis noh tuklo gui hleih Shangpughang Malcolm lah ak’tha ang’vai pi cuh ami ng’on goi. Acu ung ShangpiNu margaret cun phih acei aming’on nak khok’hngüp (4) k’hngüp shih tu ci.
Amät noh acohte ah Phayacong Im Nu ( Church of Dunfermline) ung ami phuh.
Kum (1250) Papa Shangpughang Innocent(IV) nak noh Margaret cuh Bä ca k’chàng ah ahmuh.
Acun ung tui neh ani cuh Scotland Ghung Khaw ghung ca Bä ca k’chàng ah kya lo ci.



