Khomah lah tuikhong
Khomah lah tuikhong
Kchò khò cuh khòmah bängbäng om ci.Cun ung phih tuikhong cuh van no yi -hngei ciah kya ci.
Cun ah kya hleih khomah no khò a yoih ung phih tuikhong mahmah ah kä yói khin ci.Tuikhong cuh van ah ghin nak ah kya hleih van no a mhtéi vai ah màmòng ah kya ci.
Tuikhong hta bäng kcàng tang vai kä kya neh tuikhong ah phèilàng pèingléng ngshong hleih nong neh shing gui mdüih vai kya ci.Tuikhong ung shing ghàm a om adá vai hlü ci.Shingghing kdäm tumat no tui kalan 50 mhtéi neh shūm hnging ci ciah hnguh hmat kchàng gui no pyéin ci gui.
Cun ah shingghing gui ung ka phih akní pí ah tui pha neh mkhän hnging ciah shing gui om ci.
Avai hlü ah hlònghlì lah tui hmùm cuh tui akdá mhtéi neh mkhän hnging ci.Hlònghlì cuh tui a gah ah ciah ah akdá pe neh tui hmùm cuh akdá a shäm ung phih apí hti ah pe ci ciah géitkò mòng hmat ciah hnguh hmat kchàng gui no pyéin ci gui.
Shing ghàm gui cuh tuikhong pèi bäng ung a om vai kä kya neh khò khman kthùmkip,kphlìkip ung ngphàng neh a om ung ni pi khai kya ci.A i ah kya hleih ci ung shingghing päng ung kah ngdòn neh ngcùn neh a kya ung vah tuito cuh däm lo khai kya ci.
Cung ah kya hleih pìgò päng ung shing ghàm khòghàm a om vai kä om te ung phih thà ba vai hlü ci.Tui cuh van hngùn ah kya neh shing cuh a hngùn kghìng gui ah yihngei ūpa ah kya ci.
