M’Lùng m’zo m’nem vai  a m’theinák.

Cun kon-ah, ami béit tu-ah k’chàng gùi nawh a i-hlok-ah, ng’vái pí hlü neh ami ngohnák vai, ami ghü cuh Jesu nawh hnguh nehtah ngami gùi-àm, ’khúi-sui neh a piéin cuh, Htá m’dòn nák-ung, ami ning béit tu-ung ng’vái-ah ngohnák vai-ung, kä na ngoh tot-èin vai. A i-ah kia hleih ci-ung, nang-a tah ng’vái tu bà ci, ami béit tu te ipi-ung, ani lah ning be tu goi ci-ah ’kiàwng mah nawh nang-ah lo neh, ‘Sin-àm na ng’nõn péit vai’ ci neh ning k’hmòn lo khai. Nang phih na hmai thui hleih a k’hngupí-ah hteit neh na ngoh vai-ah kia lo khai.   Ami ning béit tu-ung, a k’hngu pí-ah hteit neh na ngoh cang-vai. A cun-ung ning be tu ci, a lo-ung, nang-àm, ka teih püi-aw, ama lam-ah hläih tu-ä’ ci neh piéin khai. Nang phih, ng’la tu ci gùi avan-ah mà-ah, na hmai ’kiãng khai. A i-ah kia hleih ci-ung, a mät m’hlüng m’tai ci päng cuh m’nem vai lah, a mät m’nem ci päng cuh, m’hlüng m’tai vai-ah kia khai,” ci neh Jesu nawh a piéin.