“Care of Creation” ciah Khanpughi ah tüi pyan gui m’htei vai.

A tüî k’hmüt gui ah k’chômdüih ah mi kya ci noh tüì k’hmüt ci cuh mi hlûi tä vai kya ci.Khòmdek mhtei vai cuh m’lämkhâng düt ah kä kya neh mi yùmnak cuh k’bénak vai ah kya ci.KKhanpughi ah tüi k’hmüt gui on ng’pòng ng’òp neh ghinnak ah khomdek lah kchang cuh ghum mhtei vai ah KKhanpughi noh na chü gui ci.Shin ah a khotüi ah a ngcét ah mòòng cuh hngu pheng na neh kä gah ah läk vai gui ung ngyung ca akhòtüi hngeit pei ah a ngcétnak ah kya ci.
Ng’Thûkthêing
Ng’tüi omnak1:1-3
KKhânpughí noh KKhânmopi lah khodek pyang chütah acun cuh ni ci.
Ng’tüi omnak 2:15

Corintuh akhtük 10:26
A tüi k’hmüt gui avan cuh yümyüm ah ni ci a i ah kya hleih ci ung ngami gui cuh KKhanpughi kah ah kya ci.
Thùng-yò(Tradition)
A khòtüi cuh gah-tang vai bäng bäng ah hnguh teng lo ah akya ung k’hlí ng’htòi ka vai ah thúk ca akshé lam gah nak gui om lo ci.
“‘Might is right” ciah pyein ah hnguh tengnak cuh akchün ah kyih kyok kshe ca kä tàgának,hlò-kyàn yô k’kà nak gui cuh kchàng akda pi ah kkhan ah om lo ci.Gah-tang nak ah a ngyung khong gui avan cuh mà neh ka na ci bäng lah bä ngmang ci gui bäng ung gok yop ciah kya ci.(Pope Francis,the Joy of Love,Laudato Si,no.82)
Càng ca ngmüng van ngshün ngphan moong kphein k’etnak cuh dúkhaih ci gui lah khomdek ah m’lâ ng’pyan ng’yak vai lah tàgá moong ngshi kcànak gui kphyék kpâi hlak cun gui avan cuh ngkhit ngkaih yop ci.A khòtüi hngéit pei ah phäh ah ng’å ng’cäí nak cuh kchang gui theing htaih hleih m’hnginak lah k’hlí ng’htòi ah ng’gó nggài gui gä-hlêi vai kä kyu ngtäng ca ngngaih pit nak on ngphak ci.(Pope Francis,On Care for Our Common Home,Laudato Si,no.49,91)
”K’chàng k’hlí ah ni moong hnguh hmat nak cuh ma lam ah ngshon gui ah chüt gok ci.Khomdek pum hlummlei moong ploh-kheih nak gui cuh kchang k’hli ka vai kä tä ci gui hngô mikmi on atäng ah kä nong ca kya ci.Mikmi cuh kchang ngshon gui ka vai ah kä pyein neh kä om hnging ah kya lo ci.Lo khai ah ngshon gui ka vai mi tha peit gui vai lah a kholä ah mi gah ah khomdek khoih-hngah nak cuh ahei gui am phih mi teipai ba vai ciah a hlü hlü ah mi teng khai kya lo ci.(Pope Francis,On Care for our Common

Home,Laudato Si,no.159)
Mikmi kchang gui cuh ahei a hngùn kghing gui ah nu lung pa khoh mi shäm tu ca kya ci.Mi kyä lah khomdek on ng’et tu kcang neh Kkhanpughi noh na om püi gui ca kya hleih mi mät ah hngùn lah lo khai ngshòn gui ah dí chük shih maih nak kä mi nong ghüt en vai.(Pope Francis,The Joy of the Gospel,Evangelii Gaudium,no.215).
A khòtüi hngeit pei cuh kchang päng am Kkhanpughi noh akholä ah a khoih-hngah peittak ah kya neh acun mi mang lo ah akya ung dukhaih ci gui,htá ngshon gui lah kchang kkhui avan ka vai ngphak hleih ngah-tüh neh mang vai mamoong om ca kya ci.(Pope Benedict 16,Charity in Truth,Caritas in Veritate,no.48,51)

K’Khanpughi ah tüi k’hmüt cuh kchàng noh a m’htéi vai ah a màmoong om ci.
K’Tàigŭnak 25:1-7
Khòmdek mät cuh ng’düm hlak neh kä plohkheih vai.
Mtheimthangnak 10:14
KKhanmopi lah khomdek avan cuh Boi noh ka na ci.
Salan 24:1-2
Khomdek cuh KKhanpughi kah ah kya ci.
Daniel 3:56-82
A tüi k’hmüt nak noh KKhanpughi ah bä nak m’dang ci.
Matthew 6:25-34
K’Khanpughi noh a tüi k’hmüt gui cuh m’hngi neh m’htei ci.
Romans 1:20 A tüi k’hmütnak noh KKhanpughi ah a moong m’dang ci.