

Pope Leo XIV ah Angelus k’taigi nak.
Bói ah hngu läk neh avan nong ghüt neh Boi am avan gän àp ca ka m’hngi gui ah hta gui lah hta khngumi gui o, beit ngngaih nak htitheing nak, du yainak ah evangeli ah kyomhtangnak lah Khânpughi ah k’chang gui ngäng mhteinak, sacrament gui, Khânpughi ah ng’thu ah bänak cuh mi ng’ap ca kya ci. M’dek ng’nai ah kya ca mi kut on a i hlok ah däm ciah mamoong mi k’kot ci ang.? Christu ah phäh ah mi ng’hlui ng’hla neh mi ghinlu gui mi peit vai kä mi kyük ko. Acun ah ni lam on K’khânpughi ah m’geinnak m’dang hnging ca khmüt nak gui ah mi kya lo khai. Acun cuh ana chü thämnak gui akni pi ah mi ngäng m’htei ah kya ci. Nang ah ng’bum ng’htoi hnguh hnging vai phäh ah ak’tung ah üm m’nainak mi gän àp ko. Boi Jesu ah müi k’khân ah khtu ng’shäi tumat mi tha ko. Christian ah gin äpnak lah htingling nak on Papa shangpughang noh kchang gui a m’hngi nak a pyéin hlü ah kya ci. Shihpi a thüng nak man gui (1950)kum ah Boi ah khtu ngshäi na ngthuh na hngu ca kya hleih ng’müng vah Htahtana cuh nangmi on atäng ah om câ nami shüm ba khai. Tuhkbäih cuh htahtana mhngi ah m’hngi yum nak on Ng’lami Maria ah mi ng’hlat ko. Ani ung ka noh mi gah te ah ni bänak kä mi kphuh en vai kä mi kyih en vai mi ngthei tu ci Shüm hmat nak gui be ca m’lung on Angelu mi pyéin ci. Cun cuh chà tu hngá ca goi ci gui ah gaigong mòòng htitheing ca kchang gui lah ktaigü gui lah htitheingnak mah ah gän àp ah kya ci. Khanpughi noh kòngki ning pe gui neh Shihpi a thüng nak gui ah Boi noh nami ghilu gui dìm kyäp khai mhtei hlä.



