Pope Leo XIV angelus prayer on 1st November.

Pope Leo 14 noh Kyün KHngüp Angelu ung Boi Jesu Christu noh a pyéin cuh kchang pákkhkúi ah coi ghâ nak cuh tu neh mbei neh ami mlung kbüh ah kya hlak ci ci ci. Mateiu NgThukni ung pongmuk lah nga akda a pyân cuh Ani kä hmat ci gui am hnguh hmat nak a peit bäng ah kä kya neh ngbüh ngbeih ca khoih hngah nak gui on kthagui pe gui ci ciah pyéin ci. Pope noh NgThukni a teng mshù ba cuh chà tu hngá hleih ana mhngi gui lah khomdek ah phäh phyonnak a lo püi cuh mdah ci gui a mdei ba gui hlak lah akpang gui a ngyak ba gui hlak vai phäh ah ci ci. Kdäih neh a pyéin nak ung Ani noh cáicat vai gui a mdang bäng ah kä kya neh Kkhanmopi ghunkho a ng’et lo ah mòòng cuh Boi mät on nghnguh ngteng nak ah kya ci ci ci. A mbei gui kon ah akda akpoih ba cuh mi ngyak hlü pleip khai ah ana kbe gui ci ci. Missa gän àp nak ung yum mhngi a däm tai nak on kchang pákkhkúi ah coi ghâ nak ung ka noh phü yei hlak ci ci ci. Mi ngkho kchang gui mi gung nak on Jesu on mi ngteih ngpüi ciah kya ci ci ci. Mi mhngi ah Nu NgLami Maria ah mi nghui nak on a u phih kä kpoih en hleih a khngüp tä ei vai käh phüt vat en vai ah mi ktaigü ko ci neh Pope noh phleh ci.