

Jesu lah Zachaeus.
Jericho hlùn neh hteit ci. Cun zah-ung Zachaeus ng’mingnak ci-ah, k’chàng tumat om ci. Ngùi k’phlám k’lók gùi-ung, a ng’vái pí-ah kia neh ng’büh ng’mang ci. Jesu a u-ah a kia hnguh tu hlü te ci. Cun tu pang-a phih, k’chàng dá k’hma hleih a dùng käü phih toi nehtah kä hnguh tu hnging ci. Ani a hnguh vai-ah, mà-ah dáwng neh anlí ghing-ung kài ci. Cun zah-ah a gok lo lah han k’dang neh a hnguh hlu-àm a piéin lo cuh, “Zachaeus-aw, kium lo ba hlah-ä. Tuh-ngói na im-ah ka om lo tu khai-ah kia ci.” K’Sèng neh kium lo bà neh Báwi cuh, zèi neh ’chin nak ci. Hnguh tu ci gùi phùng nawh, “A i-ah, k’chàng om ’kà-ah a om tu,” ci neh nawm ci gùi. Zachaeus nawh ng’düí neh Báwi-àm a piéin cuh, “Báwi-aw, ka khawh a täng täng, dú ci gùi-àm ka k’pai tu gùi ci. Kä chin hleih ka ei te gùi cuh, k’phli vei hngá hleih ka pe bà gùi ci,” ci ci. Jesu nawh ani-àm piéin neh “Tuh-ngói, sin-ah im-ung phiónnák gok lo ci. Sin cun phih, Abraham-ah htá-ah kia ci. Maih ci gùi sùi bà neh a k’phión vai-ah, k’chàng-ah Htá lo ci-ah kia ci.



