

Khàw im-ah zòi-tuk ci gùi a k’täm gùi.
Cun kon-ah, khàw im ’kiàwng-ah lut nehtah zòituk ci-ah k’chàng gùi, a k’pùng-ah k’täm gùi neh, “kei-ah im cuh k’tài-günák-ah im-ah kia khai, ci neh m’cäinák-ung om ci. Nangmi nawhtah, m’guk èi gùi-ah ng’bumnák-ah, khùi ’kiàwng-ah nami lat ci,” ci neh gen gùi ci.
Khàw im ’kiòng-ah m’thei gùi ci.
Cun kon-ah, k’hngüp täì, khàw im ’kiawng-ah, m’thei gùi neh om hleih k’tài-gü ng’vái gùi ni, k’chü m’cäi k’süm ni lah, k’chàng ng’vái gùi nawh Báwi cuh, ngáwn vai neh k’thának ci gùi. Cun tu pang-a phih, k’chàng avan nawh Báwi cuh, cäi neh ’ngài u hleih ngamí nawh Báwi cuh, a i-a phih kä ci hlot ci gùi.



