

Islam cuh 2035 ung Christian Htahtana phlän neh khomdek ah k’khân ah akdäm pi ah pahta nghtoi ah kya lo khai.
Islam cuh 2035 ung Christian Htahtana phlän neh khomdek ah k’khân ah akdäm pi ah pahta nghtoi ah kya lo khai ah akthai ah ami ktäih nak US ung om ca Pew Research Center noh a hnguh ah kya ci.
K’Täih nak ah mòòng pongpüi ci gui noh November 18 ung pahta khngih cuh däm lo ci goi te cuh Muslim gui cuh yang tu ba ci ci ci gui.
M’hlán ci noh a pyéin nak ung 2070 ung tuhchü ah täng ah a ngdäih ung Muslim cuh tämkäp(billion)3.6 lo neh Christian cuh tämkäp kthum khomdek pum ung yat neh om lo khai ci ci.
Khomdek kchang ngkheihtung cuh 2020 lah 2070 ah nglak ung 29%(phyânät) ngkhap lo neh 30% cuh Christian ah kya neh Muslims gui cuh 80% ah ngkhap lo khai ci ci.
Hidu gui cuh akya ah da lo khai gui hlü te cuh khomdek pum ngkheihtung cuh ken lo khai.Jews gui läi cuh atäng ah kya khai.
Buddhist gui cuh a khomdek ngkheihtung ung lo khai ah kum ghà gui ung ken lo khai gui.Christian ateih cuh Sub-Saharan Africa ung 2070 ung om khai gui.
The Democratic Republic of the Conco cuh US ah tah Christian da lo tu ba Khai.
US cuh 2070 ung Christian akda pi ken lo khai cung Christian akda pi ah kya ba täng Khai.Pakustan cuh khomdek ah k’khân ah Muslim akda pi ah kya kya neh India,Nigeria lah Indonesia toi gui noh toi khai gui.
Cun yah ung India cuh Hindu akda pi ngkhap lo neh India kpung ah phih akyang ah ngkhap lo khai gui.
Tayuk,Japan lah Htum Korea cuh ngkheihtung ken lo neh Buddhist ngkhei thung cuh ateih phlän neh ken khai.



