Nu Pa Gui Bi Chin Gui

  Mikmi nu pa gui cuh mi hta k’hmo gui mi m’htei vai, m’thei vai cuh mi ma na bäng bäng ca kia ci. Cun-ah mi m’thei m’thang nak gui-ung mi hmat hlu-ah mi m’thei m’thang gui a om hlu-ah kä mi hmat gui phih k’hmo noh kä mi hmat-ah ami na hmat gui vai ng’ä neh mi va ng’kang vä nak phih om hngo khai.

       Tuk ngoi cuh mi hta gui-awn ng’thu ng’hta nak ni, ngami-ah ng’ngaih gui ng’ngaih tu peit nak gui phih mi ng’hngu hmat tu khai-ah kia ci.

Hta k’hmo m’hting nak-ung hlü ci gui cuh mi hmat lo tu khai-ah kia ci.

  1. M’lung k’üüp Nak

K’hmo gui-am ami m’lung k’se, ami thüi hlei nak gui cuh ami shüm ba vail ah ami mang thei vai-ah m’thei gui vai. Ami m’lung ng’ngaih k’üüp thei neh ami pum kyä ami m’hting thei vai-ah m’thei tu gui vai.

  • Ng’thei ng’tham nak lah hngün thoh k’ni

A k’cumh-ah ng’thei ng’tham nak k’ni, ih nak, gai gong nak vai hngün thoh nak cuh k’däih neh ami bi hnging vai-ah k’tha peit gui vai. Hnguh hmat nak ami mang lo-ung phih hitng ling nak gui

  • Ng’ngaih üp nak lah ng’gui ca hla tha nak

Ami po teih püi gui hngu-ah ami ng’cawn tu yah, internet ami mang tu yah, ami üp äi nak tu yah gui-ung hmat peit thei gui vai. A ge-ah ami kya güt chüt hleih hla tha nak cuh peit gui vai.

  • A vai hlü-ah kia lo hnging khai gui cuh m’thein gui vai.

K’hmo gui cuh ami nu pa gui-ah om kya teng tu u neh thei bang tu ci gui. Ng’khai nak, m’lung m’yo m’nem nak, ma mong lak nak hnging gui cuh m’dang gui vai. Kat nak gui-ah phäh ng’bäi neh ahlü-ung ng’hui na ba thei gui cun phih ng’dang tu gui vai.

 Shin gui cuh nu pa gui-ah bi chin gui-ah kia neh

Hloi chin gui cuh

  1. K’hmo a shäng shäng k’se k’dam ank
  2. A hngei k’hmo gui-awn m’täng nak
  3. Ling m’hteng nak k’aih gui
  4. Äi nak peit aih gui
  5. Kä ng’ngaih-ah m’cäi gui hlü nak k’aih gui-ah kia ci.

Leave a Reply

Your email address will not be published. Required fields are marked *