Nu Pa K’ni Gui-ah Ng’yak Hlü-ah Hta K’hmo

Nu pa k’ni gui noh ami hta k’hmo ca täng-ah van-ahtah a hmat tu vai, gü go nak-ung a ng’nän tu vai, a van-ah tah a bä tu ba vai-ah kä ng’ya hlü kyäm ci gui.

              A mi hlüng tai lo-ung ami pei-ah om ca k;chang gui kä mi k’hmih-ein vai, ami ma lo-ung hngu ba ghüt ci amia mi chü hlo tu ba thei vai-ah m’thei m’thang ci gui. K’chang k’hli hngu-ah amät hta ngo k’ca k’chang ami k’shing thei vai-ah m’thei m’thang ci gui. U noh kä tä tu-ah k’chang gui chü tu gui neh ami pei-ah k’hmoh tu hhnging ci gui-ah k’chang gui-ah ami kyat u vai-ah m’thei m’thang ci gui. Tumat ku kyap hleih ami hnguh lo-ung kä m’hloi kä k’büi tub a-ah kä om hnging ca k’chang gui-ah ami kia vai cuh nu pa k’ni gui noh ng’ya hlü ci gui.

  Ng’nän yah-ung k’poih ghüt ca k’chang-am nab ä ci nei, na ng’chüi ci nei ci neh pyein hnging ca k’hmo, mät bä tub a-ah akya-ung kä cun tu m’hloi thei neh ng’ngai thei ca k’hmo,khawh a tha-ung phih kä tha tu ci kä k’ka lu nak ca k’hmo, cun gui cuh nu pa k’ni gui noh ng’yak hlüi gui-ah kia ci.

     Bä ng’mang hlüng tai nak gui-ah tah m’lung ng’ngaih ani vai cuh hlü pi ca kia ci. Van-ah noh a hmat-ah k’hmo-ah tah tumat-ah m’lung “ani noh na gung tu man ci” ci neh ami shüm ba-ah k’chang tumat-ah ami kya vai hlü ci.

   Hta k’hmo tumat cuh avan-ung a tai vai-ah tah a pei-ah kah gung tu hnging ca k’chang k’ni tuamt-ah akia vai cuh hlü pi ci.