Yùmnak gui ng’htàngkònak.

Yùmnak gui pyeinnak ung amät ah a yum tu kcang pyein ci lah a mät ah a ngming a thang vai a mät ah ngngaih ah guk ci gui pyein ci gui om ci.
A cun ah pyein ci gui ung ami mät ah pìgò pakkhui gui ami mät ah yum ah ami om vai ami mät ami ngmìng ami tháng vai ah pyangtham neh shä ä ci gui om ci gui.
Avaihlü ah pyein ung RC cuh Budha on täng ci da ci. Budha ung ka noh RC ung ngplon vai kä hlü ci. Acun ah hlo ah KCho Thung lah Budha phih täng ci. KCho Thung m’ghu ng’tha ung ka noh Budha ah ngplon vai kä hlü ci ci gui cuh akcàng ah kya ci ang?
Akcang ah KCho Thung ung Budha ah mtheinak yumnak gui kä om ci. Budha noh Kkhanpughi kä om ci ciah mthei ci. Cung phih KCho Thung noh na tŭì ca Kkhanpughi na k’ä ca Pushihpi yum ci.
Acun ah kya neh om ci lah kä om ci cuh m’toi neh kä gah ah kya ci.
K’Cho Kho ung Budha yum ci gui noh Khanpughi lah kho am mghu ngtha ci gui ami m’hle m’hlak nak ah kya ci.
Na tüì ci om ci ciah yum ci gui cuh Christian,Islam lah Hindu gui ah vah kya ci.Kä yum tu ci cuh Budha ah vah kya ci.
K’Cho Kho ung Budha yum ci gui ami da cuh ami mhlemhlak gui ah phäh ah kya ci.
Acun ah kya neh KCho gui akda pi gui cuh avan ah k’cokhalom neh yum ci gui.
KCho Thung lah Christian mtumcoih neh yum ci gui cuh akda pi ah kä kco kphyot ci gui.Cung phih kco phyot ci gui api kchu om ci gui.Cun ah api kchu läi cuh a i yah ung phih ahoi phih om täng khai kya ci.
Christian lah KCho Thung cuh yümyüm ah kä ni täng ung phih akda pi ah a i ah ani täng cuh tòi lo ca guk nak gui ung mi teng ko.