Kho a chaa lo ung ng’ngaih nak vai gui

K’cho kho cuh Pughi pa gui yah ung shinghüng gui da neh k’ching man te ciah kya ci. Avan ung Shing ghüng gui da neh om tu phyak ca kho ah kya man ci te. Tuhbäih chü Shing go ung maih lo neh kho phih ng’ling lo hleih kcho kho cuh a yan dü a ng’kho kä ching ba neh ng’ling lo bi ca kya ci. Ng’tuk-aah nak om hleih Mindat mango ung om ci gui phung cuh pigo gui ung a om lo tu ba u hleih avan cuh ei ok vai hlü lo ci a kya ci. A cun a kya hleih avan noh kho vok lo ba u hleih Shingo ung di maih lo ba ca kya ci. K’cho kho cun phih ng’ling lo neh avan yaica lo a kya ci. A cun a kya hleih mi kho mi m’thei vai lah Shing Ghüng gui k’tha nak neh mi geit vai ah hlü lo ba ci. Kho chaa lo hleih Mei mi m’htei vai phih hlü lo ci. Khing man ca kcho kho cuh ng’ling lo hleih avan noh mi ng’ngaih ät hleih mi pyan ba vai mi k’tha nak ko.