Kchò Khò lah géitkò

Kchò khò ung géitkò thei ci cuh a ei mang vai gui om ci.Shingghing avan kä chu neh a nglùng ah ei mang vai a hlühlü géit lo ci gui amshah om lo ci.Akdá pí no shingghing gui gählei yop neh géit bäng géitkò ah ngngài ci.Cun ah phäh ah géitkò gui kä ni lo kyäm ci cuh akdá no kä kshíng pha ci. Tuhchü shing ghàm nì ngyùng gui ung mdek kshin gui akní ah pyàng neh ami géit ah phäh ah kä ni khai ami ngngaih nak ung thòpat lingmaw gui nanat gui lah coffee akní ah ngtheih pài hleih ami géit gui cuh ahei gui no phih kthá na neh ami theibang tu ung khò phih mhtéi ah kya neh ei mang vai phih gah tang vai kya ci. Kchò khò cuh akdá pí ah mtà bängbäng géit ci gui.
Acun ah phäh ah khòmdek dí neh akya cun phih mi kshíng vai hlü lo ci.Mtà bäng kä géit en neh ahlü ahngäi géit ung a i ah ni khai gui cuh van no mi shuilei vai hlü lo ci.Kchò khò cuh kchò gui no ami pyaan thei ung kchò gui ka vai bäng ah kä kya neh kkhúihei gui on nghloi hleih hlùmmlèi nak vai lah hlüng bä nak vai phih mi hngu lo khai kya ci.