

Apostolic nuncio noh US Sayataw gui am ngthu a pyéin nak ung Blessed Fulton Sheen ah mòòng mdang ci.
Apostolic nuncio noh US Sayataw gui am ngthu a pyéin nak ung Blessed Fulton Sheen ah mòòng mdang ci. America Sayataw gui Rome ah hteit khai ami pong yah ung Apostolic nuncio noh Blessed Fulton Sheen lah Bä ca Poulu akchuk nak BALTIMORE ung ani nghnguh man shüm ba hlak gui neh kthá pe gui ci. Archbishop Gabriele Caccia, US ah apostolic nuncio noh akthai ah m’hlüng m’taih ah Archbishop ah a mòòng ghunkho ah Sayataw KThai gui am Vatican ah kä mi hteh pha ung m’dang gui ci. Caccia noh the U S Conference of Catholic Bishops(USCCB)ah Nov 17 khngüp Baltimore ung pyéin ci. Lo khai ah Roma ah hteh nak gui “ad limina”ung American Sayataw gui cuh 2027 ung a däng däih ah ami hteh vai khngüp gui kbäi neh mtung neh pyéin ci. Shin ah hteh nak cuh Sayataw gui ah phäh ah khokum k’hmà tä hleih ami hteh vai hlü ca kya ci. Pope St.Paul Akchuk nak noh ‘Treasure in Clay’ ciah a autobiography ung kchang ng’bum gui on a pyéin shüm ba hlak gui ci. Cun ah a pyéin yah ung”Kei cuh Htahtana ka vai ka bi hnging ah ka bi tu k’cang ci ang?’a mät noh a mät ah ghinlu lah a bi teng m’shù ba ci. Akhngu ah a phleh nak ung “Api hta vah ka bi pha ci” ci ci. “Cung phih Pope ah om nak ah ka gok lo ung tumat kuku ng’thong ng’hlat ci” ci ciah Archbishop Caccia noh pyéin ci. “Holy Father am ka pyéin ci. Tuhkbäih na Theingnak ah ma ah ka gok lo ci. Htahtana cuh k’chang ung ka hnguh lo ci. Peter ah hngün thung ciah m’hngi nak on kä hnguh hnging ah lukke Htahtana lah Christu cuh i hlok ah a m’hngi ka k’bäi ci. Ami htehnak vai phäh ah Fulton Sheen ah mòòng goi on m’toi neh a pyéin nak ung mät ah mòòng ng’shúng yäih hleih m’yomneim mòòng ktäih nak lah mamoong khän hlak ca Christu lah Htahtana ka vai mhnginak m’thaì vai ng’khái hleih a ngdángnak”ci ci. “Shin ah yum äpnak ah khmütnak gui cuh Roma ah htehpüi neh nami kchang gui ah ng’lung ah Boi noh a bi nami shüm ba vai” ciah Archbishop Caccia noh pyéin ci.



