khàw m’dek-ah k’khãng-ah kia neh  ka lo pi ci.

Jesu nawh a ng’khái-ah a piéin cuh, “Kei na zùm ci nawh, kei bäng-ah kä kia neh kei na tüì lo ci phih zùm ci.  Kei na hnguh ci nawh, na tüì lo ci cuh, hnguh ci.  Kei na zùm ci phùng a k’hmüpnák ung kä om èin vai-ah, kei cuh khàw m’dek-ah k’khãng-ah kia neh  ka lo pi ci. Ka k’chü ng’zák neh, kä läk ci cuh, kä ka m’cha m’làng khai. Khaw m’dek m’cha m’làng vai-ah kä kia neh k’phión vai-a vah ka lo ci.  I-ah kä na hlui neh ka k’chü kä dàw ci cuh, m’cha m’làng khai om pi ci. Ka piéin-ah k’chü nawh, cin-khàw a lo k’hngüp, ani m’cha m’làng khai.  A i-ah kia hleih ci ung ka mät-ah hmat-ah ka piéin-ah kä kia ci. Na tüì lo ci-ah, Pá nawh, i-ah k’chü neh i ka piéin vai cuh na m’cäì ci.  Báwi-ah m’cäì cun phih, a ng’täi ghinnák-ah a kia cuh, ka hmat ci. Cun-ah kia hleih ka k’chü phùng, Pá nawh a na m’cäì-ah ka k’chü ci.”