

Bä ca Elizabeth (Hungary)
Bä ca Elizabeth (Hungary) cuh Kum (1207), Pressburg ung ng’tuiom lo ci. Ani cuh Hungary ghung-kho ghunm;htei ca Bä ca k’chàng ah kya ci. Ani cuh Shangpughang Andrew II nak ah ak’hta ah kya ci.
Ak’hmok’chàng ah kya neh Thuringia ah Louis awng imkyongkhui m’düh ni neh (3) ah k;hta ci goi. Elizabeth ah kyomhtang nak ung acei Louis cuh Yeikya nak om ni. Akhohei ah ahteih ung phi halo ba ung Elizabeth ka vai khoh thaik lo hti ci.
Louis noh apyein cuh Kachu Elizabeth ka nong ah ta Ahei shuingui khohtang gui vah ka nong khai ci ah pyein ci. Khokum api sho lo hleih Elizabeth ah acei Louis cuh Krusix ng’tuhng’at nak ung ahteihhlui ah Otranto ung Palik Lei noh ei hleih shih ci.
Louis ah agoh lo ba pui u hleih Elizabeth cuh akya ah thuihleineh kyap ci. Elizabeth noh acei ung ayumm’hinnak cuh dämk’da te hleih kya ci.
Elizabeth cuh acei ashih ong ah Marburg ung amät ah coh ah Sei-Im ung agawi gui am’htei hlui ah akhokum (24) vah lo pha neh Kum (1231) ung shih ci.
Ani cuh k’chàngpyam gui lah goipaik’chàng gui am’htei hlu ah phih Khâpùghü ung ak’hngüp tä Shuhsha Taigü nak cun Bi ca kya ci.



