Pope Leo XIV noh Florida, Uruguay Missa gänap nak ung a pyein.
November k’cha a k’cheit nak 2026, Florida Basilica ung yumtu k’chang 50000 vai lo neh mi ng’bum lo nak ung Papa shangpughang Leo XIV noh ghui paipai cuh Nu Maria am gänap neh a cun a kho thum-kit-lei-thum a be nak ung pek ca kya ci. Nu Maria cuh a shin a kho näng m’thei khai lah khongmang khai ci ci. A cun a kyün k’hngüp a ng’thu k’ni la neh Pighi gui, Nu gui, M’shi nak gah yah ung Nu Pa gui, Tamah saya gui nami yum nak nami k’tha cü na ng’shon nami m’do gui cuh nami bä ni. Nami yum nak cuh a k’hngüp tä nami im ung gok lo ci, nami m’hngi nak on gok lo ci. Ng’lami gha ung ka hnguhmat ca ng’lami k’hma lah ka hngut hmat ca ng’lami hma on m’tungtäng ci. Hnguh hmat ca ng’lami gui vai hlü ah mi yum nak a k’khang di khai mi m’dei vai, yum nak a k’khitui kä hmaih en khai ah mi shäm vai Bawi noh na m’thei gui ci ci neh m’cäi gui ci.
