Bä ca Johan Capistrano

Bä ca Johan cuh Italy Ghung-Khaw,Capistrano Mang- go ung Kum (1386) ung ng’tuiom lo ci. Ani cuh ng’vai lo neh Upate pyeinga ung Doctor poin kya ci. A cu ung Perugia Mang-Go Boi ah ami tha.

A cu ah Mang-Go ung om ca Kyomhtan neh, ng’buhng’mang ca ng’lami tumat ong ami m’chum go. Kum (1416) ung Perugia lah Malatesles Mang-Go goi cuh ng’tukng’at nak om lo ci. Acun ung Johan cuh Thawngkyum tumat ah ami pha .

Cun ah kya lo hleih Johan cuh achu awng ng’taini neh Franciscan Atheinkhain un glut tu ci. Ng’pying’päng pi ca amät ah aghüng om nak aphäh ng’Zu ba neh Perugia Mang-Go pum ung ng’hle neh hteihchui ci.

K’changshäm tumat vai hlu ah aom nak ung Friar Miner ung Boiphaya akya nak vai hteith tu ci. Acun ah ung ani cuh akhokum (30) lo ci.Ani cuh  Franciscan athinkhain ung lut tun eh ta ang’mingthang ca Boiphayatumat ah kya lo ci.

 Aming’vai tumat noh Johan ah am’lung cuh I hlok ah akhäng ah mong cuh amongalam ahlhlü awng bi nak ci. Acu ung phih Johan cuh ani ah azum nak lah am’lung ah m’yom’nem nak awng a I ah ami ci cun phih khan ca kya ci.

Kum (1420) ung Boiphaya tumat ah kya lo tu neh ani noh Khanpughi ah mong athähla pyeinhlak gui cuh ang’mingthang lo pi hti ci. Kum (1456) ung Papa Shanpughang noh atung ah pyan hleih Turks pakhuik’chang gui lah Chrusis Gakap gui ah ng’lung ung hteih neh Khanpughi ah mong thäihla ci.

Turks pakhuik’chang gui cuh Belgrate Mang-Go vein eh tuh lo u neh Europ avai cun phih tuh khai ah pong lo ci gui. Johan cuh Gakap(70000) ah aming’näng vai khongmang ba gui ci.

Acun ung ka noh k’chàthum sho lo hleih Bä ca John Capistrano cuh shih ca khai ci.