Cãesar ang? Khãnpùghí ang?

Cun kon-ah, Pharisee gùi cuh, ng’düí lo u nehtah Jesu-ah k’chü m’khá ng’ngài neh ami hlèhlè-ah ami lat péit vai-ah nìnák ci gùi. Ami k’chàng gùi lah Herod-ah k’chàng gùi  tüih u hleih,“Báwi aw, nang Báwi cuh, na hting líng ci néi. A u phih kä kiüh eìn neh a u täng-ah phih kä kia tu neh Khãnpùghí-ah màwng lam a k’càng-ah na m’thei cuh, kami hmat ci néi. Cun-ah kia hleih nang Báwi nawh a i-ah na ng’ngài ci ang? Cãesar Sangpùghang àm, k’phlam péit chin lah, kä cun, keimi na m’thein tu gùi-ä,” ci neh ng’si lo ci gùi.       Jesu nawh ami thù-vi cuh, hmat neh, ‘k’chàng ng’séi gùi-aw, a i-ah kia hleih lèng lèng neh k’chü nami ’koih ci ang?                 k’Phlám-ngùi tàng-kà tumat na k’hmuh tu vä,’ ci hleih ngùi tàng-kà tumat lo püi ci gùi. ‘Sin-ah gup lah Sin-ah ng’mìng cuh, a u-ah gup, a u-ah ng’mìng ang?’ ci neh ng’si gùi hleih, ‘Cãesar-ah kia ci,’ ci neh ami m’thein tu bà. Jesu nawh‘Cãesar-ah khawh Cãesar àm, Khãnpùghí-ah khawh Khãnpùghí àm pe bà vä’ci neh piéin ci. Cun gùi cuh, ami ng’zák lah cäi neh hteit bà ci gùi.