Kiüh vai lah kä kiüh vai.

K’Chàng a k’dá nawh Báwi cuh, k’búi u neh tumat nawh tumat leh khai hngo-ah a kia zah-ung, “A k’chàng gùi-àm leng neh a piéin lo cuh, “Ng’Thup ci-ah Pharisee gùi-ah k’co cuh nami hloi vai.        Ng’Sùng neh kä ng’dáng khai-ah ng’khaw, ng’zih hleih kä hmat vai-ah ng’khaw, i kä om ci. A i-ah kia hleih ci ung a k’hmüpnák-ung nami ng’thu ng’htà cuh a ’khãng-ung piéin bà vai. A ’kiawng-ah k’hnga-kòi pèi htá-ah nami hòhát cuh, m’kiung-’khãn-ah, m’la neh piéin vai.

Nangmi ka ning teih püi gùi-àm ka piéin cuh, “Käü ami ngáwn kon-ah, i-k’hteh kä ci bà khap thei ci gùi cuh kä nami kiüh vai. A u nami kiüh vai cuh, ka ning k’hmuh gùi khai. Ngáwn nehtah m’htèi khaw mei-ung k’htóp hnging ci cuh, kiüh vä. Nangmi-àm a k’càng-ah ka piéin cuh,  ani cuh kiüh vä. Bít-htá k’hmà cuh tàng-kà k’hngih-ah zoih-ah kä kia ci ang? Ngami gùi ung-kah, tumat htá phih Khãnpùghí-ah mà-ah k’hmih-ah kä kia ci. Nami lù ung-kah, lumu gùi hngo, ’chei zop-ah kia ci. Cun-ah kia hleih kä kiü-èin vä. Nangmi cuh bít-htá gùi-a tah, nami bä tu bà ci.