Lo khai ah EL NINO khòtûi

Lo khai ah kcha kchuk ung cuh El NINO khò a sheitnak om lo khai ah hnguh hmat kchang gui no pyein ci gui ah kya ci.
Cun ah khò a sheitnak gui cuh Myanmar on a ng’et pi ah kya ca Thai,India lah Bangladesh ung om lo khai ciah kha neh a pyein ah kya ci.
Cun cuh a ngling düt ah kä kya neh a kchün ah ngling ca Super El Ni No ah ami pyein ah kya ci.A ngling lo aih ah akya ung a i ah kya lo khai gui cuh kha neh ghunkhò uk ci gui noh ami ponghtei vai ah hnguh hmat kchang gui no kha neh ami m’thämhlà pyi ah kya ci.
Cun ah El Ni No ci cuh a khomdek pum yat hleih avan ung atäng ah ng’ling khai ah kä kya neh amshah ung akya ah ngling neh amshah ung kho akya ah â khai kya ci.Amshah yah ung ngling ba nghlit neh â ba mit neh kya khai ci ah kho tui kho k’â ah moong ktäih kkyang hnguh hmat ci gui no ami pyein ah kya ci.
Acun ah kya hleih tui a ken nak gui ung tui gui mcun neh tui adäm nak gui ung tui a däm lo ung a i ah mà nak hnging vai gui cun phih kha neh ponghtei biloh vai ci ci gui.
Cun kon ah goige nak gui phih ahlü hlü om lo khai kya neh seilung seitui gui phih khmüt m’shei vai ah pyein ci gui ah kya cj.
Acun ah akya lo ung ami ktha ken ca ghipa gui,akhmo hta gui lah mneh m’oh nak ahlü hlü om ca kchang gui cuh aktung pi ah ngngaih nak vai ah kya lo khai ci ci gui ah kya ci.