K’chàng hlû mòòng tàgának (Social Justice)
5. Khòmdek ah biloh khoh-tang gui cuh kchàng päng noh ami mät ah ghinlù ah a hlü nak kkyòngkhùi päng ah ahlü nak gui ka vai ngtèingpài hnging ciah lam om ci. Khòmdek ah pyânthàm khoh-tang gui cuh kchàng kkyóngkhùi avan noh kana neh kchang tumat htî ah ghinlù hlû ahlünak ka vai ngkyüm bé hleih gah-tang khîn ci.(The Church in the Modern World,69) Kkhanpughi noh a tüì khmüt ah khoh-tang gui cuh ngtei ngpai hnging vai phäh ah kchang hlu moong tàgának,k’hlí ah ni vai phäh ah ngshânnak on a nggui ngkhongnak a om vai.(The Reconstruction of the Social Order,58)
6. Dúkhaih ci gui m’túng neh ghü kcêingnak (Preferential Option for the Poor)
Dukhaih ci gui mtúng neh ghü kceinnak ci cuh htahtana ah kchang hlu mtheimthangnak ung ktung ca khännak ah kya ci.Cun ah ngyung khännak cuh kchang nghtoi ngkhóp kkyòng ah kchàng kdú gui,ami khtät ah kcháng nghtòi gui mtúng ci.Tuhchü cói ghânak,dukhaih nak,kpyü im kkà ah kya nak,sèi kuh-màn k’kà ah om nak,atúng pí ah ni ca mà lam ka vai yùm äp a maih nak ciah amòòng gui däm dá lo ci.Cun ah akcàng ah om kya ci gui cuh hngu phèng nak vai kä kya hnging ci.Cun gui kä tä nak cuh mkot-lô ung ngyoi ca Lazarus kä hmat ci vai hlü ah ngshéi ca ngbüh ngmang kchang ah hlo ah kya lo khai.Cun ah kya hleih khmà neh ghü kcêing
vai na mthä mhlà gui ci.(On Social Concern,42;The Development of People,47)
(7) Ngcut ngdòn neh bi hnging lam (Right of Association)
K’chàng päng ung vangvei ah ni bä nak ka vai ahei tumat on atäng ah bi bi hnging ci.”Bî kbî gui cuh ami mät ah kä täng ciah ghinnak bi mamòòng gui cuh ghun mhtéi hnging vai phäh ah bîkbî nghtòi gui mhtòi neh gah ci gui.(Pope John Paul 2,On Human Work,20)
(8) Kchàng päng ung a mät ah kchàng hlu mòòng,ghunkhò mòòng,hlùmmlèi mòòng lah thùng-yò mòòng gui ung ni bä nak a om lo vai phäh ah a bü ng’ngaih ah cùm päng neh pyein pit hnging ci. Kchang tumat noh a bü ng’ngaih ah tängpang neh a bi ah a mät ah biloh,cíngcì im ung bi hngingnak gui lák ba péit cuh akya ah kä lam ci.Cun ah biloh cuh kä tàgá nak ah kya ci.(The Reconstruction of the. Social Order,79)
(9) Kä gàt ciah ghunkhò mòòng lam (Politics and Non-violence Means)
Ghunkho acòyah cuh kä gàt ciah nì lam on dìm kyäp nak lah tàgá nak lam cuh a shui vai.”Ngtukkho lupnak cuh a nggónggài ah phäh ah mhlànnak ah kä kya ci.Dim kyäp nak ah ahei a ngmìng tumat cuh hlüngtài nak ah kya ci. (The Centenary of Pope Leo’s Encyclical,52)
