Khaw im ami m’gèi bànák.

Jerusalem-ah khaw im ami m’gèi bà zah ung hlik zah-a phih kia hleih  Jesu cuh, khaw im-ah Solomon vai-làng ’kã-zah, zu vü hang vü neh kia te ci.  Cun kon-ah, Judeu gùi nawh, Báwi cuh, ’kói u neh a i güt nà m’sòt gùi khai ang? Christù-ah na kia ung a ng’dáng-ah piéin-ä,” ci ci gùi.   Jesu nawh a m’sàng bà gùi cuh, “Nangmí àm ning m’thein gùi ung phih, kä nami zùm ci. Ka pá-ah ng’ming awn ka bi gùi cuh, ka m’dángnák-ah kia ci.  Cun tu pang-ah phih, kä nami zùm ci. Ka ning htò gùi ung ka-ah, kä nami kia ci.  Ka htò gùi nawh, ka k’áw ng’ngài ci gùi. Ka hmat gùi-ah kia neh na läk ci gùi.  A k’cùm ah ghinnák ka pe gùi ci. Ngami cuh, a ngói-ah phih kä dí düit khai gùi. Ka kut-ung-kah, ngamí a u nawh phih kä na gut khai.  Ngami gùi, kei àm nape ci-ah Pá cuh a u-a tah phih däm tu bà ci. A u nawh phih Pá-ah kut-ung-kah, kä gut gùi hnging khai.  Pá lah kei cuh, kani-ät ci,” ci neh piéin ci.