Ni ci ah Hto k’shäm noh a mät-ah hngùn pe man ci.

Kei cuh ni ci-ah htò k’säm-ah ka kia ci. Ni ci-ah htò k’säm nawh, a htò gùi-ah phäh-ah, a mät-ah hngùn pe man ci. Htò gùi m’khäm ci-ah htò k’säm-ah kä kia ci-ah kia neh k’chàng ghüh cuh ng’hngei a lo hnguh láng neh htò gùi nong ghüt èin neh dáwng man ci. Ng’Hngei nawh phih, htò gùi lõ neh k’phiüit gùi zop ci.  K’Chàng ghüh nawh, a ng’khéng vai-ah phäh-ah bi ci-ah kia neh htò gùi cuh kä tä neh nong düit ci.  Kei cuh, ni ci-ah htò-k’säm-ah ka kia ci. Pá Khãnpùghí nawh kei cuh, na hmat hleih Kei nawh phih, Pá Khãnpùghí ka hmat-a hlo-ah, ka htò gùi cuh, ka hmat ci. Ka htò gùi nawh phih, kei, na hmat ci gùi.  Kei nawh phih, ka htò gùi-a phäh-ah, ka hngùn ka pe ci.  Sin-ah htò ng’nòng ung kä lo tu pha ci gùi-ah htò gùi phih, kei ka gùi-ah kia ci. Cun-ah htò gùi cuh ka lo püi gùi khai. Ngamí nawh phih, kei-ah k’chü k’áw ng’ngài u hleih htò ng’nòng-ät, htò k’säm tumat bäng-ah kia lo khai.  A k’hngú-ah ka m’ghin bà vai-ah ka hngùn ka m’sih-a phäh-ah, Pá nawh na m’hni ci.  Cun cuh, a u nawh phih kä na gut ci. Ka mät-ah hmat-ah ka m’sän ci. M’Sän hnging lah m’thoh bànák hnging cuh, kei ung om ci.