Ireland ghunkho ung ka Bä ciah Brigid ah ghünlu a mòng

Bä ciah Brigid cu christu kum ung Ireland ghunkho, Kildare ung ng’tüi ciah kya ci. Ireland ah yum nak lam ung ghüng om ne a kya yah ung yum ghong ung ka no Christian no a ng’päng nak yah hngün ah kya ci. Brigid cu k’hngumi hta gui ka vai k’chü m’gein nak lah ng’khai nak awn k’chang gui no a mi yum ngak tu vai ah kya ci. A ni cu k’phan k’chang ah a kya yah ung a ni ah im mah no a ni ung k’poih ba ciah a khoh tang gui kä dí maih ein vai ah a mät ah khoh tang gui k’chang gui am a kholä ah a peit vai ah a ci ah kya ci. Boi Yesu no tui cu capit tui ah kya lo khai ah a ci ah hlo ah Brigid no Boi Yesu thei bang tu ne k’am tumat ung ka Beer cu Phaya kyawng 18 ung om ciah yumtung’bum am a tu gui ah kya ci. Kyam no a ei gui ah k’chang gui a m’tui m’hleih nak gui vai ah tui cu m’na hluk tui ah kya lo khai ah ci hnging ciah kya ci. Brigid cu Mamah tumat ah a kya lo kon ah Kildare ung a ng’vai tumat ah kya lo ciah kya ci. A ni cu Christu kum 525 ung shih ciah kya ci.