Boi Yesu Christu ah a ng’tüi nak

Boi Yesu a ng’tüi nak a mi guk then nak ah ng’thu k’ni cu mong goi lo ciah kya ci. A ni cu Khanpughi ah a hta k’pa tumat bäng ah kya ci. A ni cu k’chang ah kya ne a lai gui ng’bat hleih ng’tüi lo ne a k’tha nem ne m’thei m’hta vai ah hlü ciah a k’hmo hta tumat ah kya ci. Caä a k’htük pi k’bäih ah Christian gui ah a mi m’thei m’thang lah a mi m’cäi m’ä nak gui cu Boi Yesu ah a shih nak lah shi nak ung ka no a ghün lo ba nak cu a k’tung pi ah a mi ng’ngahtüh ah kya ci. A cun ah kya hleih ng’thu k’ni maa ne m’thei m’thang ci gui cu Yesu no a m’thei m’cäi gui hma vah a mi m’thei m’thang ba ah kya ci. Boi Yesu ah a mi kyä nak, a ng’tüi nak lah a k’hmo yah ung a ghünlu a mòng a k’pühk’kheih läi cu tumat lah tumat a mi ng’hta ng’ko nak ung va ng’dang lo yop ne van no a hhmat lo ah kya ci.

Boi Yesu ah hluläk k’chang gui a k’ni ah a mi hmat ah Christmas puma ung cang hleih a mi k’bäi gui a mong lam gui a k’daa om ciah kya ci. Joseph cu David ah hta ng’shon ah kya ci. Maria lah Joseph cu a täng ah kä om ein ne Htitheing ciah Mu ah m’yungaa awn Boi Yesu cu Maria ung ka no om lo tu khai ci ne Khanpughi a ng’shä Khanhtapup Gabriel no a m’thein goi cu Khanpuhgi ah a maa ah a ni m’lung m’yo m’nem ne a ni yum nak awn Khanpughi ah k’chü ng’ngai ne a k’ni ah do ah kya ci. Khanpughi ah htitheing ciah muh cu Nu Maria a kyä mah nak ung om ciah kya ci. Boi Yesu a ng’tüi yah ung Herod Shangpughang cu a mong yah ah kya hleih Boi Yesu ah ng’tüi nak cu Bethlem mânggo ah kya ci.