Maria-ah m’hlüng m’tai nák ng’äi.

Cun kon-ah, Maria nawh phih, “Kei-ah hngùn m’lung nawh Khãnpùghí cuh, m’tam ci.   Kei na k’phión ci-ah Bawi ah ng’ming awn kei ah m’cha zèi-kiài ci. I ah kia hleih ci ung a mät-ah phàn-ah k’hngumi ah m’nemnák cuh hnguh ci. Ngói püi-ah k’chàng van nawh kei-am ‘Bä ci’ ci lo khai gùi. M’Zung-awn bé ci -ah Khãnpùghí  nawh kei kavai a k’ni k’hma piang ci, a ng’ming bä ci. A m’geinnák phih, ani kiüh à ci-ah k’chàng ng’sawn púm-ung, a k’cùm a ng’täih-ah gok khai néi ci neh piéin ci.  A k’tha gui awn, a bänák m’dáng ci. Ami m’lùng m’däm ci gùi cuh m’dí gùi ci.    Bä ci gùi cuh k’cha gùi neh ghoi-hngám ci gùi cuh  m’hlüng m’tai gùi ci.

Cói cãm ci gùi cuh, a k’ní  awn m’bei gùi ci. Ng’Büh ng’mãng ci gùi cuh, ami züng-ah tüi bà gùi ci.  A mät-ah k’chü k’hngànák cuh süm bà neh a phàn Israel cuh  gung bà ci. Mi pùghí pá gùi àm, a m’thei m’cäi gùi ghüt ah ng’gui-ah Abraham-ung lèng neh a ng’sàwn gùi púm-ung, a k’cùm-ah  a piéin man bä bä-ah kia ci.” Maria phih, Elizabeth awn ’cha k’thùm vai om tu nehtah a im-ah hteit bà ci.