Mi mi gui ah ng’dü im kho cu a tung ah pyantham vai a mong

Papa Shangpughang Francis no kho m’dek ah a mong a pyein nak ung kho m’dek cu mi ng’dü im ci ne a ng’shing ah pyein ciah kya ci. A hngun ghing k’chang gui no tuhchü a mi buiawt ah lei gui cu mi ng’dü im ah lei ah kya ci.  Tuhchü cu ng’müng van a ng’shün ah ng’phan nak ah lei cu a phung pang ah teng ah a kya ung a khawtui pei ng’leng diidam nak bäng ah kä kya ne mi ng’düim khaw a diidam nak ah kei ah phih kya ci. Ng’müng van a ng’shün ah ng’phan nak ah lei cu  a khawtui pei ng’leng diidam nak ah kho k’sho a mi k’coi nak man ah kya ci.

a khawtui pei ng’leng diidam nak cu TV ni, ng’thu k’thai ca gui ni, ca ng’thei nak ah kyawng gui ung ca gui ah crriculam gui ung nga tu ba hleih a mi m’dang lo cu bä ciah kya ci. K’chang a daa a phäh ah a khatui pei ng’ leng ci cu nga mi ah a k’tung pi ah kä kya ci ah ng’ngai ci gui ah kya ci. Mimi gui cu mi ghoh gui ah bik’boi gui ni ci vai hlü ah mi mang nak düt ung mi yeikyai ciah kya ci. Laudato Si ung Papa Shangpughang no a pyein cu mi mi ah om nak ah khaw m’dek no a buiawt ah lei a mong cu mi hmat vai guk ciah kya ci. Ng’müng van a ng’shün ng’phan nak ci cu mi mi no mi om nak ah ng’dü im ah a buiawt gui ah kya ci. Khom’dek ci cu mi mi na phyüi chang gui ne k’tha na pe gui ciah kya ci.