Pìgò lah akhòtüī

Pìgò päng no akhòtüī a mhtéi vai màmòng om ci.
Ghunkhò uk ci bäng no a tängpàng vai ah kä kya neh
pìgò uk ci gui lah khòmah gui ah bi vai phih kya ci.Kchàng päng no hmat neh a thählà vai ah phih kya ci.Kchàng päng cuh akhòtüi pèingléng yihngei ci bäng bäng ah kya ci.
Kchòkhò ah a khòtü pèingléng cuh kchò gui no ami mhtéi vai ah màmòng a om ah hlō ah pakkhúihei. gui no phih ami mà nak yop ung khò k’a phih ni lo ba neh tui phih kä ket lo ba khai.
Cun ah a mòng cuh Khòilung pìgò ngbūm ung pìgò uk ci lah khòmah gui no ngcoih neh ami bi cuh thēibang tu khin ah kya ci.