Uyin lah khòvók
Khòvók ung shingghing hlinghling ah chuk ah kya ci.Shingghing kdäm tumat no tui kalan 50 kpang ci.
Khò khmang ät ung shingghing phya 10 phlän ci.Cung cuh ngah-tüh ung cäi vai kya ci.
Khò kä vók ah a ngbàn gui bäng kchán neh neh akka ah ei mang vai ahlühlü géit ung vangvei ah nghloi khai kya ci.Tui phih mhtéi ah kya neh ei mang vai phih om khai kya ci.
Khò vo neh mei mkhih neh géit ung a mgìng kum ei géit ami mhleh ah phäh ah khò ami vók ah kya ci.Cung phih van ah mang ah tui a ket lo vai cuh ngah-tüh vai kya ci.Tumat no ashäng ei mang vai ah akdá ah mang câ vai cuh tüüp neh ngah-tüh khin ah kya ci.Tuhchŭ cuh om khò kä ni neh a päng kyüì kkyang hleih kä khleih hnging neh ami khòlo ah kya te ci cuh a nghloi lo bà ung a i ah mthong mhlat neh bi vai cuh ponghtei gé vai kya ci.
