Bä ciah Sebastian ah ghinlu a mong

Bä ciah Sebastian cu Christu kum 255 phe lang yah ung Pyinhtit khaw, Narbo Martius maanggo ung ng’ tüi ciah kya ci. A ni cu Italy ghunkhaw,  Milan manggo ung ca a ng’thei kon ah cang lam ung a mi hngun pe ci gui gunghtot gui khai ah 283 AD, Roma shangpughang Carinus a mang yah ung ga k’kap ng’htoi un glut tu ne a ni ah a bi hnging lah a ling gai nak awn Roma Shangpughang ah hngun ghun pe ci ah ga k’kap a vai tu mat ah kya lo ci. A ni cu Christian pahta ung a yum nak cu kä ng’ ein khai ci tu lang pang hleih phih Christu kum 286 ung hmat lo u ne Roma Shangpughang Diocletion ah ma ah m’la awn kap ne shih pi ci ah ng’ngai ne nong ghüt u hleih Christian k’hngumi hmeinu tu mat noh hngu ne m’htei hleih Sebastian cu gai ba ciah kya ci. Gai lo ba ne ta shanpughang ah ma ah kä kyühkyok ein ah htei ne Christian gui na yo k’kaa k’duk k’dei nak gui ah phäh ah ka ning m’shu k’chak ci ci ne pyein hleih, Shangpughang no a shih ah chüt heih dukdei tukthah hlak gui a ngon ah kya ci. Bä ci ah Sebastian ah a gok cu Khanpughü yum äp ne htitheing ciah Lucina ng’ ming nak ciah k’hngumi tu mat noh hnguh ne Catacombs of Calixtus ung a k’phuh ah kya ci. A cun ung St. Sebastian Phayakyawng cu coh u hleih tugüt chüt om ciah kya ci. Bä ciah Sebastian cu ng’gü ng’lah ci gui ghung m’htei gui ci ah bä ciah k’chang tu mat ah kya ci.