Ng’Vái hlü ci nawh phàn a bi vai.
Jerusalem-ah kài u neh ami lam hteh zah ung Jesu cuh, ami mà-ah hteit hleih ngami cuh, cäi-cat neh kiü-neh a hngú-ah läk ci gùi. Cun kon-ah gha-leigoi cuh, chü bà gùi neh a mät ung kia lo khai gùi, lèng neh a piéin lo cuh, “nami süm bà vai. Mihmí tu bäih Jerusalem-ah mi kài ci. k’Chàng-ah-htá cuh, k’tài gü ng’vái gùi, k’chü m’cäi k’süm gùi-ah kut ung àp-ah kia khai. Ngamí nawh sih khai-ah m’cha m’lang u neh ani cuh, k’chàng hei gùi-ah kut ung àp khai gùi. Ngamí nawh ani, gaih tu neh m’thui u neh tuthat u neh ngáwn khai gùi. A k’thum k’hngüp, ghing lo
Cun kon-ah, Zebedee-ah htá goi, Jacob lah Johan nawh a pèi-ah k’et ni neh “Báwi aw, keiní nawh kani ning san phùng na nà péit goi vai kani ng’zák hlü ci,” ci ci goi. Jesu nawh phih, “A i cuh, ka ning ci péit goi vai nani ng’zák hlü?” ci neh ng’si goi hleih, ngani nawh “Keiní goi cuh, na taimahnák ung tumat k’pat täng, tumat k’eng täng-ah nana ngoh hlak goi vai,” ci neh piéin ci goi. Jesu nawh phih, “Nangni nawh i, nani san kä nani hmat ci. Kei-ah áwk vai-ah, m’zak nani áwk vai lah, ka gah-ah m’sinák nani gah hnging khai ang?” ci neh ng’si goi hleih, nganí nawh phih, “Kani ci hnging ci,” ci ci goi. Jesu nawh “Ka áwk vai-ah m’zak cuh, nani awk khai. Ka gah vai-ah m’sinák phih nani gah khai. Ka k’eng k’pat-ah ngoh vai läí cuh, pian péit gùi kavai-ah kon-ah, a u àm phih kä ka pe hnging ci,” ci neh piéin c
Ghà nawh ng’zák-u neh Jacob lah Johan cuh, kä zèinák goi ci gùi. Jesu nawh chü gùi neh a piéin cuh, “k’chàng gùi ung Sangpùghang gùi nawh ’kalu-nák hma ci gùi-ah màwng, ami Sangpùghang gùi nawh ami ’khãn-ah, ã bi ci gùi cuh, nami hmat ci. Nangmi gùi läí ung cun-ah kä kia vai. A ng’vái-ah kia hlü ci cuh, nami bi, ning bi pe gùi ci-ah nami phàn-ah a kia vai. Nangmí gùi ung mà hlü ci cuh, k’chàng avan-ah phàn-ah a kia vai. A i-ah kia hleih ci ung k’chàng-ah htá mät cuh, a ng’phàn vai-ah phäh-ah kä kia ci. Ami phàn vai-ah lah k’chàng a k’dá-ah phiónnák vai-ah phäh-ah a mät-ah hngùn a péit vai-ah lo ci.
