Hta k’hmo gui M’htei Nak
Kum 6-10 lo pha ca hta k’hmo gui cuh pum kyä lam täng ami ng’yäk ng’chan nak vai lah om k’ih lam täng ami hmat lo thei vai-ah nu pa tuamt-ah kia lo ci noh a ng’shäm nak vai gui
Hta k’hmo gui-ah om k’ih hngün thoh gui ani lo pi hti vai,mät noh mät äp nak a hlüng lo pi hti vai,ma mong ka nan eh ami bi loh lo thei vail ah hngip hngäi neh k’chang aa tu u neh ami kya lo vail ah m’lung k’tha lam täng nib ä neh ami kya lo tu hnging vai phäh-ah mi hnguh tu ge vai-ah ni ca bi loh gui phih m’thei gui vai hlü ci.
A k’tung pi-ah läk vai gui cuh
- Hta k’hmo gui k’se k’dam nak gui-ah tah pyein ami ng’ngaih lo vai-ah m’thei vai.
- M’ghuih the nak-ah tah hting ling nak gui m’thei tu gui vai.
- Ni ci-ah om k’ih nak gui lah k’hngüp täi ma mong gui pyaan peit nak gui.
- M’lung k’se, thüi hlei lah m’lung-ah na uih eng nak gui k’üüp hnigng vai-ah m’thei tu nak gui.
- M’hteih neh bi loh nak lah m’hteih neh bi loh nak gui-ung ami ng’chüih lo hnging vai-ah m’thein tu nak gui.
- Ma mong ka nan eh bi loh nak lah ma mong ka nak hning nak gui a däm lo vai-ah pyan peit nak gui.
- Ng’eh nak, ng’cuh ng’vah nak, kyap neh m’lung k’se nak gui om ca k’hmo gui m’hting nak gui.
- K’chang hngei gui m’hngi nak gui lah aa nak tu gui m’thei tu nak gui.
- Im ca bi nak lah ng’thei ng’tham tu nak gui gung tu nak gui.
- Phone,teplet, game gui-awn gü go nak gui m’kyen peit nak gui.
- Mät noh mät äp nak gui-awn ng’thu ng’hta ng’hnguh ng’hmat nak gui vai gung tu nak gui.
- Ng’päi ng’na ng’nu ng’be gui lah ng’lak-ung ng’cuh ng’vah ng’gen ng’am nak gui a om lo-ung m’kyen peit nak gui.
Shin gui cuh mi hta k’hmo gui ami ng’vai lo-ung k’chang k’ni, k’chang k’bä gui-ah ami kya lo vai-ah m’thei m’thang nak gui-ah kia ci.
