K’kyong Khui Mah K’pami Gui-ah Hmat Chin Gui

K’kyong Khui mah k’pami gui noh ami hmat chin gui cuh ni m’thein lo tu ba gui vai nei.

K’hngumi gui ak’da pi cuh vuuk nak kat nak ami bui awt lo-ung ami pei-ah om ca, ami cei hta, ami teih püi-am m’thein tu hlü ci gui-ah kia ci. Cun cuh ngami noh m’cha m’lang nak boh gung tu nak boh gah hlü neh ami thein m’lan tu gui-ah kä kya neh ami thein tu cuh mong cuh ng’ngaih tu pe gui khai-ah k’chang bäng cuh ami ng’yak hlü ci gui-ah kia ci.

   Vai hlü-ah ak’chu k’hngumi-ah pyein gui läk neh ng’ngaih tu pe ci-ah k’pami cuh ak’chu noh kei ak’khak-ah na ng’ngai tu ci ci neh a cei hta k’pami cuh m’hngi lo pi hti khai-ah kia ci.

 A k’hmät-ah kia-ung “aw” “ä” ci nak gui düt gui noh phih vuuk nak cuh ak’da pi cuh m’cha m’lang hnging ca kia ci.

    Cun-ah kia hleih na k’chu hta, na teih püi k’hngumi noh tumat ku ku lo neh ani m’thein lo tu-ung ak’ni-ah na ng’ngaih tu peit vai, ngüm neh na äi tu peit vai, na mät hnga ng’ngai neh na ng’ngaih tu peit vai, ne tah “ei Cun ma?” ci neh na m’shang tub a-ah akia-ung ani cuh ak’khak-ah na ng’ngaih tu-ah ng’ngai neh yei atu khai-ah kia ci.

   Cun-ah kia-ung ng’khawt nak ng’gei nak om ca k’kyong khui-ah kia lo neh dim kyäp ca k’kyong khui cun phih gah hnging vai-ah kia ci.