Jesu nawh k’chàng phiã k’hmakip m’bei ci.

Jesu nawh cun ng’za lo tu neh a cun-ah khàw-a kah nawh ng’düi lo neh tui zun im ng’cùm neh a ng’thuh nák-ah hteit ci. k’Chàng gùi nawh ami ng’zák tu lah, ’kóng lam ung k’bàn neh läk ci gùi. Báwi Jesu nawh a htehnák-ah k’chàng gùi hnguh lo gùi nehtah a ng’htéi-ah k’chü m’gein gùi neh gàw-pài ci gùi phùng m’gái bà gùi ci.

Mü-hngün ng’chúm-ung, a-hlu-läk gùi, Báwi-ah lo u neh “Sin zah cuh, bung hngù-ah kia ci. Khàw phih mü pi ci. k’Chàng gùi  ami pigò zung-ah hteit u neh èi áwk vai gùi ami k’hleih vai-ah tüi gùi-ä,” ci neh ng’huinák u hleih Jesu nawh “hteh hlak gùi-ah k’dám, ami èi vai nangmi nawh pe gùi vä,” ci ci. A k’chàng gùi  nawh phih, “m’htut k’hmà lah ngá ng’zun goi-ah kon-ah a hei,  i k’càng èi áwk vai mät-ung kä om ci”ci neh Báwi-ah ng’hui bà u chü-tah “A cun-ah M’Htut lah ngá cuh, lo püi vä” ci neh piéin ci. Cun kon-ah k’chàng ng’bum gùi cuh, m’ghó ah ’khãn-ah ngoh hlak gùi ci. M’Htut k’hmà  lah, ngá ng’zun goi cuh, la-neh Khãnmòpí han k’dang nehtah a Pá Khãnpùghí-ah bänák gùi m’tamneh m’htut lah ngá cuh, k’bõneh a k’chàng gùi àm tèi gùi ci. A k’chàng gùi nawh phih, k’chàng hei gùi àm tei bà gùi ci gùi. k’Chàng gùi avan, èi neh ami phü kon-ah, ami ei k’poih gùi, k’bah-khawp ghà-leigoi-ah kó bà ci gùi. Èi tu ci-ah k’chàng gùi cuh, hngumí lah k’hmó gùi kä piéin eìn-ah k’pámi bäng phiã k’hmakip lo ci gùi.