Jesu Nazareth khàw-ah hteit bà ci.

Cun-ah m’tu m’tängnák gùi avan a piéin kon-ah, Jesu, a cu zah-a kah nawh hteit bà ci. Cu kon-ah, a mät-ah khàw-ah gok bà neh Khãnpùghí-ah màwng lam gùi cãgat ung m’thei tu gùi ci. A pigò k’tu nawh cäi u neh “sin-ah k’chàng cuh sin-ah hnguh hmatnák, cäi-catnák vai gùi a hoi-a kah mä a gah tu vü. Sin-ah k’chàng cuh Im-k’co-ah Htá-ah kä kia ci-ang? Ani-ah Nú cuh Maria ci neh chü-ah kä kia ci-ang? Ani-ah nàü gùi cuh, James, Joseph, Simon, Judah ni-ah kä kia ci gùi ang? Ani-ah nú bè k’tu phih, mät-awn ng’et neh om-ah kä kia ci ang? Cun-ah a kia ung sin-ah k’chàng nawh sin ah cäí-cat vai-ah, abi-loh gùi a hoi-a kah a gah ang,” ci neh piéin ci gùi. Ani-a phäh-ah ng’ngaih m’séit neh thüi-hlèi ci gùi. Jesu nawh phih, “Ce ng’sä cuh a mät-ah khàw, a mät-ah im-atah, a khàw-hei gùi ung a ng’ming tháng ci, ci neh piéin ci. A pigò k’tu nawh kä zùm u hleih cun-ah khàw ung a kia k’hmà-ah, kä m’dáng m’sà, kä m’thei m’cäi gùi ci.