Jesu cuh, Khãnpùghí-ah phàn-k’chàng.

Jesu nawh a cun-ah màwng hmat neh a cu zah-a kah nawh hteit ci. k’Chàng a k’dá nawh läk u hleih, gàw-pài ci phùng m’gái bà zop ci. Cun-ah màwng gùi cuh kä mi piéin eìn vai-ah m’cäì gùi ci. Cun gùi cuh, ce ng’sä Isaias-ah piéin te, a bé vai-ah phäh-ah kia ci, a piéin cuh, “Ka ghü ka phàn-ah k’chàng, a kia-ah ka m’hni cuh, teng vä, a k’khãn-ah ka ng’zó om hleih, ani nawh kä zùm ci gùi àm phión nák vai-ah màwng m’thei gùi khai. M’La neh kä ng’cuh tu khai; lam k’khãn-ah, a k’áw, û nawh phih kä ng’zák khai. Phiónnák-ah màwng kä ng’näng pha ung leh hnget-ah vài púm phih kä  k’cheih khai; khú ci-ah mei phih, kä m’sih khai. k’Chàng päng nawh ani-ah ng’mìng äp lo khai gùi.”